الشاعرة نمارق بت العيكورة تكتب

مقطوع حشايااااا علي جناي
يا يمه كييييييييف حال البلد
حال الوليدات الصغاااااار
المرقو قاصدين المدارس
حصلوووو…………….
والتامه راجيها الولد
ماتت خلاص يايمه
يايمه والجواها اتولد

والساعي بدرب الرزق
دغشيه قام رفع التمام
ركعه وسجود
و دعوه في وسط الزحام
يايمه ارح الزول رجع
يا يمه جاوبيني السوال
………..
يا يمه محروق حشاي
يا يمه دعواتك معاي
كان متا راعي لي جناي
……
يا يمه هوي امي البلد
امي البلد يا امي هوي
انا بمه بتكلم معاك
وروني أم تاكل جناه
………
يايمه ايدك للجناه
اكلونا يمه رمو الجسد
رب العباد الروح معاه
يا يمه ليه …
يا يمه ليه……
الشهر المحرم فيو قتل
ذنب المواطن ينقتل
زول بسيط فالو خير
راجي من الله الكتير
لقمه حلال شغال اجير
عرق المكادحين في الهجير
باتت حياتم جت سعير
يا يمه خير والجاااي خير
……
يا يمه يا بلدي
يا بلدي يا امي
يا يمه اديني الامان
يا يمه دعواتك حنان
للماشي فوق جمر العدو
والعندو مدرسه وامتحان
ما تنسي جارتك يا حنان
شوفيها ارح اديها زاد
الجار قبل وصوك عليو
يا الله من قلب السجم
مليان حقد مليان سواد
…….
يا يمه هوي العيد متين
يا يمه هوي …. العيد متين
قتلو المواطن البري
يا يمه فيهم ياخي دين
وريني ضامنين للحيااااه
يا يمه عايشين لمتين
ضامنين حياتم يمه ياخ
شان يقتلو ……..
شان يسفكو الدم الضنين
يظهر شعاع نورنا المبين
يبقي التسامح يا معين
ما نبقي خبرآ دوم مشين
ونخدم ترابك من جديد
يا بلدي يايمه هوي
مويه وتراب زرع الوليد
يا يمه فال الدنيا عيد
وانا عافي يا يمه الحصل
حتما وان طال الوعيد

الشاعرة نمارق بت العيكورة