الشاعرة نمارق بت العيكورة تكتب..احلامنا اكبر من كدا

احلامنا اكبر من كدا
نبنيو نعمر للخراب
يوماتى نحلم بوطن
لا جرحي فيهو ولا مصاب
نرجع ونبنيهو القبيل
وننسي للهم والعتاب
نبنيهو من اول جديد
ننسااااها ايام العذاب
مجبور بعاين للأمل
الهدا فى نفسي الشباب
فى عز هجير عاري الجسد
راضين بحكم الله جاب
حتى الضمير الغاب دحن
عند الله مكتوبه الثواب
ورضينا بالقسمه اللى جات
لو كنا. شيبا او. شباب
وشهادة فى أعلى الجنان
وتصب سحابتنا الضباب
والقاسمو ربنا لينا جااااا
راضين بحكم الكتااااب
حبل الكدب لو طال دحن
لابد وينكشف الحجاب
فايتين وسبناها البلد
وابقو عشرة على العقاب
ما تنسو لى امى وابوي
خت القروش جوه الجراب
حق الكراريس للولاااااااد
حق الرسوم حق الجواب
وخقوقنا ترجع عن قريب
يصحي الضمير الكان هو غاب

نمارق بت العيكورة